.
Չնայած ժամանակակից աշխարհում փողի ու զբաղեցրած սոցիալական բարձր դիրքի շնորհիվ կարելի է ստանալ, գրեթե, ամեն բան, այնուհանդերձ՝ աշխարհում կան վայրեր, որտեղ չի թույլատրվում նույնիսկ ամենահարուստ ու հզոր անձանց մուտքը:
Fishki.net կայքը հետաքրքիր ուսումնասիրություն է կատարել այդպիսի վայրերի ցանկում և ուշագրավ ֆոտոշարքով ներկայացնում է դրանցից մի քանիսը.
1. Նկուղ, որտեղ պահվում է «Կոկա Կոլայի» գաղտնի բաղադրատոմսը, Ջորջիա նահանգ, ԱՄՆ
2. Շպիցբերգենի համաշխարհային սերմնապահոցը, Նորվեգիա
Այս վայրը կարելի է տարատեսակ սերմերի «Նոյան տապան» համարել: Այն երաշխավորում է, որ գլոբալ տարերային աղետի դեպքում մարդկությունը կկարողանա վերականգնել ոչնչացված սերմնատեսակները:
3. Յավարի արգելոց, Բրազիլիա
Ամազոնի ջունգլիներում գտնվող արգելոցում հարյուրամյակներ շարունակ արտաքին աշխարհից մեկուսացվածության պայմաններում ապրում են տարբեր ցեղախմբեր: Նրանց անվտանգությունն ապահովելու համար Բրազիլիայի իշխանություններն արգելել են մարդկանց մուտքը:
4. Գոտի 51, Նևադա նահանգ, ԱՄՆ
Այս գոտին անմիջական կապ ունի այլմոլորակայինների գոյությանն առնչվող հարցերի հետ: Այն իրենից ներկայացնում է խիստ հսկողության տակ գտնվող ռազմաբազա, որի գոյության փաստն ԱՄՆ-ի իշխանությունները հերքում են:
5. Հյուսիսային Սենտինելյան կղզի
Հնդկական օվկիանոսում գտնվող չքնաղ բնությամբ կղզին ծածկված է անանցանելի ջունգլիներով և ունի արտաքին աշխարհի հանդեպ թշնամաբար տրամադրված բնակիչներ: Նրանք չեն ցանկանում որևէ կոնտակտի մեջ մտնել այլոց հետ, ուստի Հնդկաստանի իշխանությունները հարգում են նրանց կամքն ու արգելում մուտքը դեպի Հյուսիսային Սենտինելյան կղզի:
6. Դիսնեյյան ակումբ 33, Նոր Օռլեան, ԱՄՆ
Այն համարվում է «Դիսնեյլենդի» գաղտնի ընկերակցությունը, որի գոյության մասին գիտեն միայն դրա անդամները: Այն որպես գաղտնի ընկերակցություն հիմնադրվել է 1967թ.` Ուոլթ Դիսնեյի կողմից: Դրան անդամակցել են գործարարներ, քաղաքական գործիչներ, հայտնի անձինք, ովքեր այցելել են «Դիսնեյլենդ»:
7.Մեժգորյե, Ռուսաստան
Ռուսական այս քաղաքն առանձնահատուկ է նրանով, որ այնտեղ անհնար է մուտք գործել առանց հատուկ թույլտվության: Մեժգորյե փակ քաղաքում ապրում են գաղտնի աշխատավայրերում աշխատող մարդիկ: Ամերիկացի ռազմական վերլուծաբանները կարծում են, որ Մեժգորյեում են բնակվում միջուկային զենքի ստեղծման հետ կապ ունեցող մասնագետները:
