Replik.am-ը գրում է.
Համացանցի չինացի օգտատերերը վրդովված են հրապարակված լուսանկարների պատճառով, որոնցում մերկ մոդելը երևում է Պեկինի Արգելված քաղաքի ֆոնի վրա, գրում է The Daily Miror-ը:
Որոշ նկարներում աղջիկը, ում անունը չի հրապարակվում, երևում է ամբողջովին մերկ: Լուսանկարների հեղինակը չինացի լուսանկարիչ Վոն Դոնգն է: Սկանդալային լուսանկարները նախ հրապարակվել են Weibo կայքում և Wanimal բլոգում, որոնք մասնագիտացված են պատմական հուշարձանների ֆոնին նյու ոճի լուսանկարներ տարածելու գործում:
Այն բանից հետո, երբ նկարները հայտնվեցին համացանցում, մի քանի հազար օգտատերեր Վոն Դոնգին մեղադրեցին ավանդույթների նկատմամբ անհարգալից վերաբերմունք դրսևորելու մեջ, իսկ վերջինս նշել է, որ ուղղակի իր աշխատանքն է արել:
Հավելենք, որ լուսանկարիչը, չինական օրենքների համաձայն, կարող է պատասխանատվության ենթարկվել, մասնավորապես 5-10 օր անցկացնել անազատության մեջ:
