Գլխավոր էջ » 2015»Մայիս»23 » Եվրատեսիլ 2015. պլագիատներ, որոնք նկատելի են անզեն աչքով
12:32
Եվրատեսիլ 2015. պլագիատներ, որոնք նկատելի են անզեն աչքով
Եվրատեսիլ երգի մրցույթը չի դադարում քննարկվել։ Այս անգամ համացանցի քննարկման թեմա է դարձել Շվեդիայի ներկայացուցիչ Մանս Զելմերլովի շոուն։ Համաշխարհային սարդոստայնի տարբեր անկյուններում քննարկում են, որ մրցույթի երկրորդ կիսաեզրափակչի շրջանակում երգչի ելույթը պարունակում է իլյումինացիայի տարրեր և ամբողջությամբ կրկնօրինակում է ամերիկացի երգչուհի Բեյոնսի երաժշտական համարը 2001 թ. Bilboard-ի մրցանակաբաշխության ժամանակ։
Շվեդ երգչի մոտ տեսնում ենք նկարված մարդուկների բանակ, ինչը կա նաև Բեյոնսի համարում, բացի դա երկուսի ետևում էլ վեր են խոյանում կառույցներ։
Գնալով Եվրատեսիլյան պլագիատների հետքերով հայտնաբերեցինք ևս մի քանի երգ, որոնք ակնհայտորեն կրկնօրինակում են հայտնի հիթերը: Եզրափակչում այսօր ելույթ կունենա Մոլդովայի ներկայացուցիչ Էդուարդ Ռոմանյուտան իր i want your love երգով։ Երբ լսում ես ստեղծագործության կրկներգը, առաջին բանը, որ գալիս է մտքիդ, դրա պարզ նմանությունն է Ջեյսոն Դերուլոյի Talk Dirty երգի կրկներգին։ Եզրափակչում հայտնված վերջին պլագիատը այնտեղ է հասել մեր հարևան երկրից։ Երբ առաջին անգամ լսեցի Ադրբեջանի ներկայացուցիչ Էլնուր Հուսեյնովի Hour of wolf երգը, տպավորություն էր, որ այն ինձ վաղուց է ծանոթ։ Երկար պրպտումներից հետո հասկացա, որ այո, նման երգ ես արդեն լսել էի, բայց ոչ թե նրա, այլ Արիանա Գրանդեի մոտ։ Ամերիկացի երգչուհու One last time երգը 80 տոկոսով կարելի է գտնել ադրբեջանցու երգում։ Տարբերությունը կայանում է նրանում, որ Hour of wolf ստեղծագործությունն ավելի մեղեդային է, քան Գրանդեինը։
