 Եվ այսպես, ինչ միջոցներ մենք պետք է ձեռնարկենք ցելյուլիտից ազատվելու համար:
Սահմանափակել ճարպային սնունդը
Պետք է սահմանափակենք ճարպային սննդի ընդունումը: Խմենք ավելի շատ բնական թարմ հյութեր եվ կանաչ թեյ, ուտենք ավելի շատ թարմ բանջարեղեն եվ մրգեր: Նախապատվություն տանք շատ սպիտակուց եվ քիչ ճարպ պարունակող սննդամթերքին:
Ընդունել վիտամիններ
Սկսենք կուրսերով ընդունել վիտամին А եվ Е, ինչպես նաեվ ասկոռուտին: Այս վիտամիններն օգնում են մաքրել օրգանիզմը վնասակար ճարպերից, իսկ ասկոռուտինն ամրացնում է անոթների պատերը, կարգավորելով արյան շրջանառությունը, որի խանգարումը նպաստում է ցելյուլիտի առաջացմանը:
Թռչկոտել, ցատկել
Ամեն օր պարան թռնենք: Բժիշկները ժամանակակից աղջիկների մոտ ցելյուլիտի վաղ դրսեվորումների պատճառ են համարում այն, որ աղջիկները դադարել են ցատկել: Առաջ մենք ցատկում էինք «ռեզին» խաղալիս, զբոսանքի գնալիս մեզ հետ պարան էինք վերցնում, որ ցատկենք:
Ակտիվ կենսապերպ վարել
Պետք է ավելի շատ շարժվենք, ոտքով քայլենք, լողանք, հեծանիվ եվ անվաչմուշկներ քշենք, ձմռանը սահենք չմուշկներով, իսկ ավելի լավ է՝ դահուկներով : Իհարկե՝ մկաններն ամրացնելու եվ ավելորդ ճարպը հեռացնելու համար ճիշտ կլիներ սկսեինք մարզասրահ հաճախել: Բայց եթե ժամանակ չենք գտնում մարզասրահի համար, մարմնամարզությամբ կարելի է զբաղվել տանը, շաբաթական գոնե երկու անգամ՝ 40 – 60 րոպե: Վարժությունների հիմնական մասը պետք է ուղղված լինի ազդրերի եվ հետույքի մկանների ձգմանը:
Կոնտրաստ ցնցուղ ընդունել
Սկսենք կոնտրաստ ցնցուղ ընդունել: Այն ակտիվացնում է նյութափոխանակությունը, դարձնում է մաշկն ավելի էլաստիկ ու առաձգական: Պետք է սկսել այնպես, որ կոնտրաստը մեծ չլինի. տաք ջուրը՝ 38 աստիճան, սառը՝ 28. Տեվողությունը. տաք ջուրը՝ մեկուկես րոպե, սառը՝ կես րոպե: Իրականացնում ենք հինգ ցիկլ՝ աստիճանաբար ավելացնելով տաք ջրի ջերմաստիճանը եվ իջեցնելով սառը ջրի ջերմաստիճանը: Գործողության վերջում տաք ջրի ջերմաստիճանը պետք է լինի մոտ 40 աստիճան, իսկ սառը ջրինը 20. Ամբողջը մեզնից կխլի ընդամենը 10 րոպե: Կոնտրաստ ցնցուղ չի կարելի ընդունել դաշտանի օրերին:
Մարմնի սկրաբ օգտագործել
Օգտագործում ենք մարմնի սկրաբ: Այդ նպատակին կծառայի աղացած սուրճը: Խառնում ենք սուրճը սերուցքի կամ թթվասերի հետ, ավելացնում ենք մի քիչ մեղր եվ մերսող շարժումներով քսում ենք մարմնի մաշկին: Թողնում ենք մի քանի րոպե, հետո լվանում ջրով: Էֆեկտիվ կլինի պիլինգի համար օգտագործել ծովի աղ՝ ջրիմուռներով: Խոնավ մաշկին մերսող շարժումներով քսում ենք ծովի աղը, թողնում ենք մի քանի րոպե եվ լվանում ենք ջրով:
|